نصيرآباد: شهر ٻاهران ڪڻڪ جي فصل مان اڌڙوٽ شخص جو لاش ھٿ

نصيرآباد (رپورٽر)شهر ٻاھران ڪڻڪ جي فصل مان ڪپڙن کان آجو چيلھ ۾ رسو ٻڌل اڌڙوٽ شخص جو لاش ھٿ، اطلاع ملڻ تي پوليس واقعي واري هنڌ پھچي لاش تحويل ۾ وٺي ضروري ڪارروائي لاء رورل هيلٿ سينٽر کڻائي آئي. پوليس موجب لاش جي سڃاڻپ نہ ٿي سگھي آهي. ايس ايڇ او مير احمد نواز تونيو چيو ته واقعي جي ھر طرح کان جاچ ڪري رھيا آھيون. سڃاڻپ لاءِ لاش کي اسپتال ۾ رکيو ويو آهي. وارثي ٿيڻ کان پوءِ واقعي جي خبر پوندي.