سڳيون رھواسي نوجوان 14 مهينن گم، اغوا جو شڪ

سڳيون (رپورٽ اسدالله چنا ) سڳيون ڀرسان ڳوٺ شفيع محمد موريو جي رھواسي نوجوان محمد ياسين موريو جو گذريل 14 مهينن کان ڪو ڏس پتو پئجي نہ سگهيو سندس ابو امڙ سخت پريشان اعلي اختيارين کان پٽ جي ڳولها ڪرڻ ۾ مدد جي اپيل، سڳيون ڀرسان ڳوٺ شفيع محمد موريو جو رھواسي نوجوان جيڪو گذريل 14 مهينن کان گم ٿي ويو آهي جنھن جي نتيجي ۾ سندس والدين انتهائي پريشان آهن ان سلسلي ۾ رسول بخش موريو پريس ڪلب سڳيون پهچي پٽ محمد ياسين جي تصوير هٿن ۾ کڻي دانهيندي چيو تہ منهنجو پٽ 14 مهينا اڳ ٺارو شاھ مان گم ٿي ويو هو جنهن جي ڳولا لاءِ گهر جو سمورو الھ تلھ کپائي ڇڏيو آهي پر منهنجو ٻچڙو ياسين هٿ نہ اچي سگهيو آهي جنھن جي ياد ۾ سندس امڙ روئي روئي بيمار ٿي پئي آهي هن وڌيڪ چيو تہ مون ڪيترائي ڀيرا قرآن پاڪ کڻي دانهيو آهي تہ پٽ جي ڳولا ۾ مدد ڪئي وڃي پر ڪو مدد ڪرڻ لاءِ تيار نہ آهي هن چيو تہ منهنجو پٽ ٿورو اٻوجھ آهي ۽ زبان کان ٻاتو آهي جنھن جي سڄي هٿ جو اگوٺو ڪٽيل آهي خدارا هن وس وارن کي اپيل ڪئي ته ڀلاري مهيني رمضان شريف جي صدقي منهنجي ٻچڙي جي ڳولا ۾ منهنجي مدد ڪئي وڃي