پريا ڪماري جي بازيابي لاءِ سگا شاخ نوشھروفيروز پاران احتجاج

نوشهرو فيروز پريا ڪماري کي بازياب نه ڪرائڻ خلاف سگا شاخ نوشھروفيروز پاران پريس ڪلب نوشهروفيروز آڏو احتجاجي مظاھرو ڪيو ويو. ان موقعي تي سگا جي صدر اعظم عالماڻي، زاھد راڄپر، سنڌي ادبي سنگت جي اڳوڻي مرڪزي آڊيٽر مظھر خاصخيلي، حسين سومرو، صدام سومرو، ذولفقار راڄپر ۽ ٻين چيو ته پريا ڪماري جي اغوا ۾ بااثر ماڻهو ملوث آھن پوليس انھن بااثر ماڻھن خلاف ڪارروائي ڪري پريا کي بازياب ڪرائي سگھي ٿي. ھنن چيو ته معصوم پريا ڪماري کي فوري طور بازياب ڪرائي اغوا ۾ ملوث بااثر ماڻھن خلاف سخت ڪارروائي ڪرڻ سان گڏ پريا جي والدين کي تحفظ فراهم ڪيو وڃي.