نيوزيلينڊ انگلينڊ خلاف ٽيسٽ سيريز جو شيڊيول پڌرو ڪري ڇڏيو

نيوزيلينڊ ڪرڪيٽ انگلينڊ خلاف ٽيسٽ سيريز جي شيڊيول جو اعلان ڪري ڇڏيو. نيوزيلينڊ ڪرڪيٽ موجب، ڊوميسٽڪ ۽ انٽرنيشنل ڪرڪيٽ فينز جي ڪري شيڊيول جو اعلان ڪيو ويو جڏهن ته باقي هوم انٽرنيشنل شيڊيول جو اعلان بعد ۾ ڪيو ويندو. نيوزيلينڊ ڪرڪيٽ جو چوڻ آهي ته نيوزيلينڊ ٽن ٽيسٽ ميچن لاءِ انگلينڊ جي ميزباني ڪندو، ٽيسٽ ميچون ڪرائسٽ چرچ، ويلنگٽن ۽ هيملٽن ۾ کيڏيون وينديون. نيوزيلينڊ ڪرڪيٽ موجب، ٻنهي ٽيمن وچ ۾ پهرين ٽيسٽ 28 نومبر، ٻي 6 ڊسمبر ۽ ٽين 14 ڊسمبر کان شروع ٿيندي. نيوزيلينڊ ڪرڪيٽ وڌيڪ ٻڌايو ته ايندڙ سيزن ۾ پاڪستان ۽ سريلنڪا جي ٽيمن کي به دورو ڪرڻو آهي جڏهن ته آسٽريليا ۽ سريلنڪا جون وومينز ٽيمون به سيريز کيڏنديون.