نفرتون پاسي رکي، محبتن کي مان ڏيو! دشمن ملڪن رانديگرن جي سيلفي وائرل

پئرس اولمپڪس 2024ع ۾ ڏکڻ ڪوريا ۽ اتر ڪوريا جي رانديگرن جي پوڊيم تي ورتل سيلفي وائرل ٿي وئي.

ڏکڻ ۽ اتر ڪوريا جي رانديگرن جي اهڙي تصوير کي منفرد قرار ڏنو ويو آهي ڇو ته پوڊيم تي ٻنهي ملڪن جا رانديگر خوشگوار موڊ ۾ نظر اچي رهيا آهن.

پرڏيهي ميڊيا موجب، مڪسڊ ڊبلز ٽيبل ٽينس ۾ ڏکڻ ڪوريا سلور ۽ اتر ڪوريا برانز ميڊل کٽيو هو جڏهن ته مڪسڊ ڊبلز ۾ چين گولڊ ميڊل کٽيو جنهن کانپوءِ ميڊلز لاءِ پوڊيم تي اتر ۽ ڏکڻ ڪوريا جي رانديگرن سيلفي ٺاهي هئي.

پرڏيهي ميڊيا رپورٽس موجب، ڪامينٽيٽرز رانديگرن جي سيلفي کي اسپرٽ آف گيم قرار ڏنو.

واضح رهي ته اتر ڪوريا ۽ ڏکڻ ڪوريا وچ ۾ ڪيئي ورهين کان ڇڪتاڻ هلندڙ آهي جڏهن ته ايٽمي طاقت پاور اتر ڪوريا ڏکڻ ڪوريا کي پنهنجو دشمن ملڪ قرار ڏئي چڪو آهي.