ايراني پاسداران انقلاب اسماعيل هنيه جي شهادت جا تفصيل جاري ڪري ڇڏيا

ايراني پاسداران انقلاب ايران تهران ۾ قاتلاڻي حملي ۾ شهيد ٿيل فلسطيني مزاحمتي تنظيم حماس جي سربراهه اسماعيل هنيه جي شهادت جا تفصيل جاري ڪري ڇڏيا آهنايراني پاسداران انقلاب طرفان جاري ڪيل بيان ۾ چيو ويو آهي ته حماس اڳواڻ اسماعيل هنيه کي شارٽ رينج ميزائل سان نشانو بڻايو ويو ۽ اسماعيل هنيه کي شارٽ رينج ميزائل سان نشانو بڻايو ويوايراني انقلابي گارڊز موجب، پروجيڪٽائل ۾ 7 ڪلو وزني وار هيڊ استعمال ڪيو ويوايراني پاسداران انقلاب جو چوڻ آهي ته ايران جو انتقام سخت هوندو، مناسب وقت، جاءِ ۽ طريقي تي بدلو وٺنداسين ۽ دهشتگرد صهيوني رياست کي ان ڏوهه جو ڀرپور جواب ڏنو ويندوايراني پاسداران انقلاب جو اهو به چوڻ آهي ته اسرائيل تي حملي ۾ آمريڪا جي مدد شامل هئيواضح رهي ته اسماعيل هنيه کي 31 جولاءِ تي تهران ۾ ان وقت شهيد ڪيو ويو هو جڏهن هو ايراني صدر مسعود البديشيان جي حلف برداري جي تقريب ۾ شرڪت لاءِ ايران جي راڄڌاني ۾ موجود هوٻئي طرف آمريڪي اخبار دعويٰ ڪئي آهي ته اسماعيل هنيه جي شهادت بم ڌماڪي سبب ٿي. نيويارڪ ٽائمز موجب تهران ۾ اسماعيل هنيه جي ڪمري ۾ بم اڳ ۾ نصب ڪيو ويو هو ۽ ڌماڪو ريموٽ ڪنٽرول ذريعي ڪيو ويواخبار ذريعن کان دعويٰ ڪئي آهي ته اسماعيل هنيه جنهن گيسٽ هائوس ۾ رهي رهيو هو، اهو ايران جي پاسداران انقلاب جي نگراني ۾ هڪ وسيع ڪمپائونڊ ۾ واقع آهي ۽ بم ٻه مهينا اڳ اتي پهچايو ويو هوان کان علاوه برطانوي اخبار دعويٰ ڪئي آهي ته اسرائيل جي ڳجهي ايجنسي موساد  ايراني سيڪيورٽي ايجنٽن ذريعي اسماعيل هنيه جي استعمال ٿيندڙ گيسٽ هائوس جي 3 ڪمرن ۾ ڌماڪيدار مادو نصب ڪيوبرطانوي اخبار موجب اسماعيل هنيه اڪثر هڪ ئي عمارت ۾ رهندو هو، اصل پلان اهو هو ته اسماعيل هنيه کي مئي ۾ ايراني صدر ابراهيم رئيسي جي جنازي ۾ شرڪت جي موقعي تي قتل ڪيو ويندو، جيڪو جهاز حادثي ۾ مارجي ويو هو. ان وقت آپريشن نه ڪيو ويو، ان جو سبب اهو هو ته ناڪاميءَ جو خدشو تمام گهڻو هو ۽ عمارت ۾ هڪ وڏو ميڙ هو برطانوي اخبار دعويٰ ڪئي آهي ته ايراني اختيارين وٽ عمارت جي سي سي ٽي وي آهي، جنهن ۾ ايجنٽن کي تيز رفتاريءَ سان ڪمرن مان اندر ۽ ٻاهر نڪرندي ڏٺو وڃي ٿوبرطانوي اخبار دعويٰ ڪئي آهي ته ڌماڪو ڪندڙ ايجنٽ ايران ڇڏي ويا هئا پر ايران ۾ هڪ ساٿي سان رابطي ۾ هئا۽ ڌماڪيدار مادو ايران کان ٻاهران ريموٽ ڪنٽرول ذريعي تباهه ڪيو ويو، جڏهن ته جاچ دوران ٻين ٻن ڪمرن مان ڌماڪيدار مادو هٿ ڪيو ويو آهي.برطانوي اخبار انقلابي گارڊز جي هڪ اهلڪار موجب اها دعويٰ ڪئي آهي، هن کي يقين نه آهي ته موساد انصار المهدي سيڪيورٽي يونٽ جي ميمبرن کي نشانو بڻايو آهي، ايجنٽ طور استعمال ڪيو ويو جيڪي اعليٰ عملدارن جي حفاظت جا ذميوار آهن.نيويارڪ ٽائمز جي رپورٽ موجب ايران جي فوجي ذريعن جو چوڻ آهي ته اسماعيل هنيه جي قتل جي جاچ لاءِ انٽيليجنس ۽ فوجي آفيسرن کان علاوه اسماعيل هنيه جي گيسٽ هائوس جي ملازمن کي به حراست ۾ ورتو ويو آهي