Awami Mahaz Sindhi News Papers
لاڳاپيل خبرون
عوامي نيشنل پارٽي جي سربراهه سينيٽر ايمل ولي خان چيو آهي ته سندس گهر جو بجلي جو بل 10 لک رپيا اچي ويو آهي، ڪجهه نه ڪجهه وڪرو ڪري بل ادا ڪرڻو پوندو.
پارليامينٽ هائوس ٻاهران ميڊيا سان ڳالهائيندي ايمل ولي خان چيو ته هن وقت ملڪ جو سڀ کان وڏو مسئلو بجلي آهي، جيڪڏهن عوام کي آءِ پي پيز کان نجات نه ڏياري وئي ته بنگلاديش جو حال سڀني جي آڏو آهي، جيڪڏهن بغير قيادت جي تحريڪ شروع ٿي ته ان کي ڪير به ڪنٽرول نٿو ڪري سگهي.
هن چيو ته علي امين گنڊاپور ۽ ڪي پي جي گورنر کي ڊرامي بازين مان نڪري قوم لاءِ سوچڻو پوندو، ٻنهي جي پنهنجي پنهنجي ڊيرا اسماعيل خان ۾ علائقن ۾ حڪومت رٽ ئي ناهي، انهن علائقن ۾ پوليس شام کانپوءِ ٿاڻن کان به ٻاهر نه ٿي نڪري.
