Awami Mahaz Sindhi News Papers
لاڳاپيل خبرون
پاڪستان ايران کي شاهين ٿري ميزائل ڏيڻ بابت رپورٽس رد ڪري ڇڏيون.
پرڏيهي کاتي جي ترجمان ممتاز زهرا بلوچ هفتيوار بريفنگ ڏيندي چيو ته نائب وزيراعطم ۽ پرڏيهي وزير اسحاق ڊار سعودي عرب جو دورو ڪيو ۽ او آءِ سي جي پرڏيهي وزيرن جي ڪانفرنس ۾ شرڪت ڪئي، نائب وزيراعظم ڪانفرنس ۾ غزه تي اسرائيل طرفان جاري بربريت تي پاڪستان جو موقف پيش ڪيو.
ممتاز زهرا بلوچ چيو ته هلندڙ هفتي جي شروعات ۾ پاڪستان ڪشمرين سان يڪجهتي طور يومِ استحصال ملهايو، پاڪستان والاريل ڪشمير ۾ عسڪريت پسندي ۾ پاڪستان جي ملوث هئڻ جا ڀارتي الزام رد ڪري ٿو.
آمريڪا ۾ گرفتار پاڪستاني شهري بابت پڇيل سوال جي جواب ۾ ترجمان چيو ته ان حوالي سان آمريڪي بيان ڏٺو آهي جڏهن ته معاملي تي آمريڪي اختيارين سان رابطي ۾ آهيون.
