Awami Mahaz Sindhi News Papers
لاڳاپيل خبرون
ملڪ ۾ هلندڙ مالي سال 2025-24ڳ جي وفاقي بجٽ تي عملدرآمد کانپوءِ مهانگائي جي شرح ۾ هڪ ڀيرو ٻيهر اضافو ٿيو آهي ۽ گذريل هفتي دوران ملڪ ۾ مهانگائي جي شرح ۾ 0.30 سيڪڙو اضافو ٿيو آهي. مهانگائي جي شرح پڻ سالانه بنيادن تي وڌي 17.96 سيڪڙو رڪارڊ ڪئي وئي.
وفاقي شماريات واري اداري پاران جاري ڪيل مهانگائي جي هفتيوار رپورٽ موجب ڪڪڙ جي اگهه ۾ 0.52 سيڪڙو، ٿوم 3.23 سيڪڙو، آلو 0.70 سيڪڙو، بصر 32.23 سيڪڙو، ايل پي جي 1.73 سيڪڙو، دال چڻا جي اگهه ۾ 0.95 سيڪڙو، آنن جي اگهن ۾ 4.28 سيڪڙو، دال ماش جي اگه ۾ 0.97 سيڪڙو، دال مونگ جي قيمت ۾ 0.83 سيڪڙو،باهه ٻارڻ واري شين جي قيمتن ۾ 0.56 سيڪڙو ۽ سگريٽ جي اگهن ۾ 0.09 سيڪڙو اضافو ٿيو آهي.
