Awami Mahaz Sindhi News Papers
لاڳاپيل خبرون
سيوھڻ تعلقي جي ڪچي ۾ سنڌو درياهه ۾ ايندڙ زبردست چاڙھ سبب تعلقي جو ڪچو پاڻي ھيٺ اچي ويو آهي، جنهن جي نتيجي ۾ يونين ڪائونسل ٽلٽي جا 35 کانوڌيڪ ڳوٺ جن ۾ ڳوٺ ديرديرو، بلاولپور، پيرل هاليپوٽو، حيات جلباڻي، ڀورل جتوئي، ٻگهيا، نور نبي هاليپوٽو، نئون واهڻ، دڙي وارا جتوئي سميت ٻيا ڪافي ڳوٺ پاڻي جي لپيٽ ۾ اچڻ ڪري ڄاڻايل ڳوٺن جو سيوھڻ، ڀان سيد آباد سميت ٻين شهرن ۽ علائقن سان زميني رابطو ڪٽجي ويو آهي
پاڻي سبب آبادگارن جا سوين ايڪڙ فصل به ٻڏي ويا آهن، ڳوٺاڻن دانهيندي چيو ته ڪچي واري علائقن ۾ پاڻي بيهجي ويو آهي، اسان کي نڪرڻ جي لاءِ ٻيڙيو به فراهم نه ڪيون ويون آهن، سندن چوڻ هو علائقن ۾ مسلسل پاڻي بيهڻ سبب هو بيمارين ۾ وٺجي ويا آهن، کين سرڪاري ٻيڙيون ۽ ميڊيڪل ڪئمپ لڳائي واهر ڪئي وڃي
